الأحد، أبريل 24، 2011

افتقاد ..



أرتجف..

أغادر مربع البانيو و ألتف بباشكير كبير يشبه ملاءة للف الصغار ،فأشعر بشيء يشبه الضم .. أقف .. أمارس فعل الارتجاف قليلا خلف ملاءتي في صمت .. هذا الفعل وسط البخار الدافئ يبدو كخاتمة منطقية تماما لهذا اليوم .. ربما أتشاغل عن رعشتي بمراقبة تقاسيم البلاط و الانصات لقطرات المياه المتساقطة مني تغرق الأرض ... "ترك .. ترك .. ترك " ..... و البلاط الأبيض مستسلم تماما للفوضى و الغرق ... أتنهد نيابة عنه .. و ما إن أسهو في كل هذا حتى تخف وطأة الرجفة ، ألتف بالباشكير بقوة أكبر .. أغمض عيني لثانية أقشعر فيها تماما ثم أغادر الحمام ...

أرتدي " الفوشيا " لهذه الليلة الكئيبة ... أحمل معي موسيقى إريك هاري ، و أفكر في إنهاكي و رغبتي في تحضير طعام ساخن مغوي لمعدتي المتقلبة... ربما أتناول شيئا ما دون معاناة كل هذا الإعياء .. أقلب شفتي كرد فوري تجاه الفكرة ... أفكر في قطعة باتيه و حليب بالفراولة تختبئان بجانب وسادتي منذ الأمس .. اتحلت لوحدها ،،ربنا كريم !

عيني مغموسة في النوم و القلق معا ...

أشد الغطاء فوقي ، ألفه كما لففت الباشكير ..


و أستمر في الارتجاف !

1 التعليقات:

غير معرف يقول...

بقدر معرفتك بيا
بقدر معرفتك بإني مليش ف الكتابة ...
بس حسيت اني لازم اقول حاجات كتيرة اوي عشانك .
اللي يقرا ليكي كتير يتعلم النطق من اول ما يكون نونو لحد ما يموت .
انا بحبك اوي يا ريمي ...
اد ما بحبك اد ما بتوجعلك اوي .
ازاي الدنيا دي كدا !!!!
ازاي لما يكون في حد جميل زيك كدا بجد طاقة حنان ودفا يكون معظم كتاباتة عن الفقد والحرمان والبكا والزعل والحلم البعيد و الليل الطويل والوجع اللي مبيخلصش ابدا..........
المشكلة اني بحس زيك بالظبط
نفس الفقد نفس الوجع نفس الدموع نفس الاحتياج لحضن دافي اوي ...و بعدها ..تنتهي كل حاجة في الحياه .
ريمي ..
بجد انتي متستهليش كدا
متستهليش تزعلي حتي لو لثانية واحدة .
قلبي بيوجعني اوي لما بتكتبي عن احساسك بالفقد
بيبقي نفسي اكون اي حاجة و كل حاجة ممكن تخرجك من الاحساس دا .....
اكيد في حل .
اكييد عمرنا مش هيعدي واحنا بنحس بنفس الوجع تقريبا فنفس الوقت !!
وردة جميلة .لعبة جديدة ..بيجامة لونها مفرح ..كابتشينو دافي .....
كل الحاجات دي مسكنات بسيطة بقدر بساطتنا وحبنا للحياه .
بس بتفرحنا !!!
بس مش دي الحل .
احم م م ..ايه النكدا دا ؟؟
اكييد انتي عارفة انا اد ايه بزهق من النكد .عالرغم انه مش بيزهق مني خاااالص مااالص 
احنا لازم نجيب شقة الطفشان يا ريمي ..
انتي وحشاني اوي
ونفسي نقضي ايام كتيرة اوي مع بعض بجد ..فمكان لوحدنا
بعيد عن الدوشة اللي عايشين فيها
طبعا مستني هاني اقولك ايه الحل ..
الحل يا حبي انه لا يوجد حل ...النكد دا رفيق الحياه ف نتنكد ونفرح و نجيب لعبة جديدة تخرجنا من المود ..
اناعارفة احساسك دلوقتي ..كلمة لعبة لما بقولها بتحبيها اوي
و تقوليلي لعبه دي عسولة بتحسسني بالاطفال 
مش عارفة اعبر عن اي حاجة من اللي شايلهالك جوايا .
بس بجد
بحبك اوى و يارب اشوفك فرحانه طول عمرك و كفاية زعل بقي ...
بوسات كتير خالص جدا اوي لحد ما شوفك