كنت معيطة .. و في العادة لما بخلص عياط بروح أبص لنفسي في المراية عشان أشوف عملت فيا ايه بالظبط .. ببص المرة دي ،، لقيت بنت سفروتة خالص و شكلها صغر بتاع تلت سنين و باين عليها فعلا انها خست 6 كيلو في شهر .. عينيها ورامة بس لسة بتلمع و وشها شاحب بس فيه مسحة نعومة غريبة ، كئن خلايا الجلد بكت معاها و نضفت منها شوية وجع ... مناخيرها حمرة وخدودها كمان ، حمرة الشتا مع العياط عاملة مزيج طفولي موحي بالطبطبة ...
لقيت بنت عسولة ..
و غلبانة !
ابتسمتلها و دخلت نمت ..
4 التعليقات:
تستاهل تبتسملها
:)
و احضنيها كمان و خلى بالك منها و احلمى و احكيلها
اللي في الصورة ده زهر اللوز يا ريمو، زي بالضبط قصيدة "كزهر اللوز أو أبعد" لدرويش :)
جميلة اوي
دايما لما بخلص عياط بروح ابص في المراية بردو ومعرفش ليه
انتي اديتي اللحظة دي جمال وصفاء كدا .. اكن الدنيا كانت بتمطر وخلصت .. ازاي الزرع بيبقا اخضر اوي والسما صااافية وزرقا اوي
إرسال تعليق