الأربعاء، أغسطس 11، 2010

الليستــة ..

الليستة ...

حضرتوها و لا لسة ؟؟؟ :)

أنا هحضرها معاكو أهو ...

اللي هيا ليستة الدعوات يعني :) .. مش معقول نفوت 30 فرصة مؤكدة لاستجابة الدعاء و منبقاش مركزين كدة ... أنا بقى ماسكة النوتة الموف بتاعتي و بكتب ليستة الدعوات اللي عاوزة أصر عليها وقت الفطار و في الصلاة و كل ما ربنا يفكرني و يقدرني ...

امممم

- أن يشفيني الله شفاءا لا يغادر سقما ... و أعرف أجري من تاني
- أن يقسم الخير لي في أمري كله ثم يرضيني به
- أن يتقبل منا الصيام و القيام و يبدل به حال أرواحنا
- أن يمسح على روحي بيمينه الشافية
- أن يعفو عني ،، اللهم إنك عفو كريم تحب العفو فاعف عني ..
- أن ينصر كل مظلوم ، و يرد حق كل ضعيف ،و يجبر كل مكسور ، و يفرج عن كل مهموم .. و أن يعاملنا بما هو أهله ، و ليس ما نحن أهله ..
- أن يغفر لكل المسلمين و المسلمات ، و أنا يشفي مرضانا و يرحم موتانا ..

و شوية دعوات مخصوصة ...

ماتنسوش تركزوا في الدعوة الأخيرة دى أوي ،، كل مسلم بتدعيله بتاخد عليه ثواب و الملاك يرد عليك و يقولك و لك بالمثل .. يعني مليااار مسلم تقريبا بمليار حسنة ... و الحكاية دى مفيهاش حاجة وحشة على فكرة زي ما ناس كتير تحسسني ساعات،، إن التعامل مع الله مايبقاش كدة و ميصحش !! بالعكس ... التجارة مع الله هيا التجارة الوحيدة المربحة .. و لا تقولي مشرووووع و لا يحزنون ،، و دة مش كلامي أنا طبعا طبعا طبعا

في مدونة جديدة هكتب فيها خواطري في رمضان بشكل شبه يومي ...

http://hal-helalk.blogspot.com/

و هنفضل هنا بردو ،، نشوف سوا .. ايه اللي بييجي على بالي :)

رمضانكو كريم و مليان خير ...

ادعولي معاكو

3 التعليقات:

rania masoud يقول...

الله عليكِ يا ريهام
ربنا يشفيكِ و يشفي مرضى المسلمين آمين

قهوة بالفانيليا - شيماء علي يقول...

:)
تمام يا ريهام ..
ربنا يشفيكي و يرزقك الصحة و العافية :)

reham يقول...

رنونة ... تسلميلي ،، اللهم آآآمين

شيماء ..كل سنة و انتى بخير يا ست البنات ..

ربنا يتقبل مننا كلنا :)