الجمعة، نوفمبر 05، 2010

يارب ..




يارب ..

يارب أبطل أسخن من غير سبب و أحس إني عايزة أرجع طول الوقت .. و الصداع يروح يارب بكل أنواعه !! صداع الجيوب الأنفية و صداع الضغط و الصداع التالت اللي مبعرفش أشرحه .. يارب و أقدر أبذل مجهود عادي من غير ماحس إني جبت الديب من ديله و لازم أنام قصادها يومين .. و أجازاتي تبطل تبوظ يارب بسبب إني تعبانة .. و ضربات قلبي متزيدش فجأة و نفسي يروح و الدم يضرب في كل حتة فأحس بأوجاع و تلطيش غير محدد .. و أفضل أغالط نفسي و أقول بيتهيألي !! يمكن نفسيا .. يمكن معنوياتي مش أوي ... بس أنا فعلا ببقى تعبانة يارب

يارب ابعتلي حد يكلمني أول ماحس إني تعبانة ، يكلمني في الوقت المناسب .. مش هقول يحضنني بقى عشان الواحد لازم يدعي بحاجات منطقية ! .. استغفر الله العظيم أنا عارفة إنك على كل شيء قدير يارب !


أنا حاسة إن عنيا مصفرة شوية و تعبانة بقالي يومين ،،

استرها معايا يارب و ارزقني فرحة و صحة من حيث لا أحتسب

آميــن ..

6 التعليقات:

Lobna Ahmed Nour يقول...

آمين يا رب آمين

سعدية عبد التواب يقول...

الف سلامة عليكى
ربنا ان ان شاء الله هيستجيب لدعائك وهتبقى فى احسن صحة

رُزّة يقول...

بكرة جاي أخضر
وانتِ بتتبسمي :)

ponpona يقول...

يارب
يارب يارب

Hosam يقول...

امين يا رب
سلامتك الف سلامة
:) :)
ان شاء الله تبقى احسن وفى افضل صحة وحال

media يقول...

انا يمكن اول مره ازور مدوتك بس لما قريت البوست ده حسيت ان انا الي بتدعي ربنا

ربنا يقويكي يارب ويستجيب لدعاكي